 |
| [nabulod laeng ti ladawan a naaramat iti daniw] |
silnag bulan iti tangatang
in-inut nga agkudrep
iti nagmanto a langit
makipagladingit kaniak,
uray ikidemko dagiti matak,
naatap riridepak
malmaldaangak, o biagko,
gapu iti dayta ayat.
nupay ita, tunggal rabii,
malagipko, tiempo't kalgaw
no agpusaksak napnot' bullalayaw;
iti lamiis ken dagiti maris-dapo
nga aldaw ti abril-
o biagko, kailiwko unay
bara dayta arakupmo.
kaanonto ngata manen
aya nga agkitata?
umayka ala agsadag
ditoy nalap-it nga abaga,
agbalin laeng nga ubbaw
ti lubongko no awanka
ta sika, sika ti balikas
a nailaga iti kantak...
kunak man/dagiti puted a daniw [sika ti balikas a nailaga iti kantak]
rudy ram. rumbaoa
dagiti koleksion a daniw, sarita, kanta ken dadduma pay
www.samiwengkenayatnirudy.blogspot.com
copyright.april.2012.by.rudy.ram.rumbaoa
No comments:
Post a Comment