Facebook

[Nabulod laeng ti ladawan a naaramat iti daniw]

 
Facebook
ni Rudy Ram. Rumbaoa
[nasurat ditoy maui]

Addaka a kalbit
Iti naulimek a rabii
A mangpikar ti pluma
Tapno mangikur-it iti sarita
Daniw, salaysay wenno ania dita.

Wen, Facebook, saanto a malibak
Ti intedmo a gundaway kaniak
Addaka ngamin a katulongak 
A ray-aw ken pakaragsakak
A kas man maysa a samiweng
Nga ayug ti kararuak.

Wen, gapu kenka,
Adu't nagbalin a papagayam
Sika't rangtay tapno idanonnak
Kadakuada a mangbasa iti nagapuanak;
Sika't mangparangen segden ti plumak
Ken mangyapros ti linnaaw
Iti kapanagan ti panunot.

Adda kenka ti ayat,
Ti pammateg,
Ti kinasirib,
Ti dalan
Tapno mabangon ti kaipapanak.

[copyright.by.rudy.ram.rumbaoa]