 |
| [Nabulod ti ladawan a naaramat iti daniw. Ti Venice Falls a masarakan iti isla ti Maui] |
Maui, Kayawmo 'Toy Pusok- 2
ni Rudy Ram. Rumbaoa
[nasurat.8.23.2006.maui]
Adda dagiti kanito, Maui, no agmaymaysaak
Sumken ni iliw, dagus nga agarapaapak;
Ngamin diak mapengdan panagarubos ti lua
Lumtuaw ladawan dagiti patpatgek, adayoda't denna
Ngem no makitakan, dagus a tumayab ti riknak
Agdisso idiay Laoag, nagtaudan ken dimmakkelak;
Adda ragsak iti pamilia, gagayyem no isuda't madennaak
Ngamin kas kenka, nalatak met ti ili a naggapuak
Iti isisiplot iti panunotko, Wailuku, establisimientom a kadaanan
Kayarigam ti Vigan iti umabagatan a paset ti Kailukoan;
Ngamin kitikit ti pasdek a binangonmo isu't ebidensiam
Ipasimudaag amin dagitoy ti inka nagrugian
Maui, no iwarasko, wen, no iwarasko ti imatang
Kihei a lugar, adu metten ti inna nagbaliwan;
Ilocos Norte ken Ilocos Sur, adun ti inda nagluposan
Iti masakbayan isudanto't sentro ti negosio iti Kailukoan
Diak malipatan, Haleakala, 'di inulik kangatoan a pasetmo
Tapno maimatangak init nga agbannawag dita arpadmo;
Kunak: kas met iti Bantay-Bimmaboy a nagul-uliak
Sangona't karayan Padsan, paglabaan mureng ken pagibilagan
Kenka Makena, pinaragsakmo met 'toy rikna
Rabaw kadaratam, uray silamolamo agilad kenka;
Kayarigam idiay Pagudpud, batokbatokendaka
Mabang-aran ti rikna iti adu a mabuybuya!
O, Maui, kinayawam a talaga ti pusok ken rikna
Ladawan ti Fort Ilocandia Beach Resort, Lahaina, kas kay la agpada;
Ta makitak nadumaduma a puli umay agbisita kenka
Ngamin sangailiem ida ket kanayon a malaglagipdaka
Narimat latta silaw iti Korean Bar, paglinglingayan a kunada
Iti lugarmi, nalatlatak ti nagan a Barrio Uno, isu man ti awagna;
Ditoy ipapas amin nga iliw, rugso a dimo maibturan
Ta ana ngarud, Kaka, agliwliwaka met, a, sagpaminsan!
Ket no agmaymaysaakton iti kuarto a pagyanan
Piman ta kailiwko man unay ni Baket nga agkan;
Ta kadagitoy nga oras adu't arapaap a mapagsasaritaan
Kayatkon sa manen ti agbakasion iti ili a nakayanakan!
[copyright.by.rudy.ram.r.umbaoa]
ni Rudy Ram. Rumbaoa
[nasurat.8.23.2006.maui]
Adda dagiti kanito, Maui, no agmaymaysaak
Sumken ni iliw, dagus nga agarapaapak;
Ngamin diak mapengdan panagarubos ti lua
Lumtuaw ladawan dagiti patpatgek, adayoda't denna
Ngem no makitakan, dagus a tumayab ti riknak
Agdisso idiay Laoag, nagtaudan ken dimmakkelak;
Adda ragsak iti pamilia, gagayyem no isuda't madennaak
Ngamin kas kenka, nalatak met ti ili a naggapuak
Iti isisiplot iti panunotko, Wailuku, establisimientom a kadaanan
Kayarigam ti Vigan iti umabagatan a paset ti Kailukoan;
Ngamin kitikit ti pasdek a binangonmo isu't ebidensiam
Ipasimudaag amin dagitoy ti inka nagrugian
Maui, no iwarasko, wen, no iwarasko ti imatang
Kihei a lugar, adu metten ti inna nagbaliwan;
Ilocos Norte ken Ilocos Sur, adun ti inda nagluposan
Iti masakbayan isudanto't sentro ti negosio iti Kailukoan
Diak malipatan, Haleakala, 'di inulik kangatoan a pasetmo
Tapno maimatangak init nga agbannawag dita arpadmo;
Kunak: kas met iti Bantay-Bimmaboy a nagul-uliak
Sangona't karayan Padsan, paglabaan mureng ken pagibilagan
Kenka Makena, pinaragsakmo met 'toy rikna
Rabaw kadaratam, uray silamolamo agilad kenka;
Kayarigam idiay Pagudpud, batokbatokendaka
Mabang-aran ti rikna iti adu a mabuybuya!
O, Maui, kinayawam a talaga ti pusok ken rikna
Ladawan ti Fort Ilocandia Beach Resort, Lahaina, kas kay la agpada;
Ta makitak nadumaduma a puli umay agbisita kenka
Ngamin sangailiem ida ket kanayon a malaglagipdaka
Narimat latta silaw iti Korean Bar, paglinglingayan a kunada
Iti lugarmi, nalatlatak ti nagan a Barrio Uno, isu man ti awagna;
Ditoy ipapas amin nga iliw, rugso a dimo maibturan
Ta ana ngarud, Kaka, agliwliwaka met, a, sagpaminsan!
Ket no agmaymaysaakton iti kuarto a pagyanan
Piman ta kailiwko man unay ni Baket nga agkan;
Ta kadagitoy nga oras adu't arapaap a mapagsasaritaan
Kayatkon sa manen ti agbakasion iti ili a nakayanakan!
[copyright.by.rudy.ram.r.umbaoa]
No comments:
Post a Comment