Pinadasna ti nagbalin a Kupido- ket inwayatna ti maudi a plano...

"Kinninisna!" kinuna ni Dennis. "Gaga! Napimpintaska met gayam ngem siak! Apay nga agtomtomboyka?"

"Ket ni Eric, apay nga agbaklabakla ket nakaguguapo met?" imbales ni Zen, natangken latta ti bosesna.

"Kinninisna manen." Ni Dennis latta. "Nakaammuam?"
 
 "No naglaingkay a dumlaw, kastakami met!" kinuna manen ni Zen.

"Desididoka iti dayta, mama?" imbannikes ni Dennis. Rimmuaren ti kinababaina ta kasla di mamati iti makitkitana.

"Panagkunak, wen," intung-ed ni Zen.

"Hay, ipagarupko pay met ngarud a hanhantingem itan ni Karl gapu iti pannakapaaymo ken ni Jen. Naturedkayo, di ba? Saan a kas kadakami a ...pamrayanmi ti agmukmok, ano pa?"

Nagkatawa ni Zen.

Ngem ni Eric, nakanganga pay laeng. Sabali la ngarud ti nagrehistro iti panunotko. "Napanen, bebe," nakunak iti nakemko. Saan kadi nga isu dayta ti gandatko? Napaayda nga agpadpada ken Jen, ngem mabalin nga isu met ti makapagbalbaliw kadakuada.

[Naadaw iti paset ti sarita a "ZEN ken ERIC" a naipablaak iti Agosto 6, 2012 mga isyu ti Bannawag. Basaen ti pakabuklan ti sarita...]

Ti Bannawag Magazine a nakaipablaakan ti Sarita a "ZEN ken ERIC"

 

 

 basaen ti pakabuklan ti Sarita...