Insurom Kaniak

[Emeterio T. Rumbaoa]

Insurom Kaniak
[Ken ni Emeterio]
ni Rudy Ram. Rumbaoa
5.26.2013.Maui/Dagiti Koleksion a Daniw, Sarita, Kanta, ken Dadduma Pay


Insurom kaniak
no kasano nga ayatenka
ti wagas a panagayatmo kaniak,
ken ti diak makita a reggetmo
tapno makitak ti makitam.


Intedmo kaniak
ti amin a kinaasinom
ti sagut no asinoak ita,
ti tan-okmo isut' tan-okko ita
ket ti pammatim isut' karitelak.


Saan a nagpatingga
ti biag gapu iti ipupusaymo,
wenno nagngudo a kas man
awan aniamanna kaniak
ta amin a banag a masagidko, masagidmo
ken iti yuumay ken ilalabas dagiti tiempo
nangibati ti tugot iti pusok.


[CR]by.rudy.ram.rumbaoa.5.2013]