Paskua Manen

[Nabulod laeng ti ladawan a naaramat iti daniw]

Paskua Manen
ni Rudy Ram. Rumbaoa

Ikidemmo dagiti matam
Ket padasem a panunotennak
Ammok a nakaadayokan,
Ngem umayakto manen iti sabali a bigat.
Ladawamto ti mabati a pakalaglagipak
Sika ti bagnos ti imahinasionko
A mangsapul iti kaipapanak,
Ta uray nadawel ti rabii
Adayo ti paraiso
Mamatiak iti agnanayon
Sumingising ti baro a namnama.

Wen, urayek ti aldaw a panagsublim
Ket mautobmo ti kinapateg
Daytoy ayatko ita a Paskua.


-karaman iti libro nga "Aweng, Antolohia Dagiti Napili a Daniw ken Sarita Dagiti Mannurat iti Bacarra,"
panid 124, inedit da Daniel L. Nesperos ken Alegria T. Visaya, Umuna a Maldit, Impablaak ti GUMIL Bacarra
ken immaldit ti Grace Printing Press, Laoag City, 2008