Riknaem

[Nabulod laeng ti ladawan a naaramat iti daniw]

Riknaem
[Erotiko a Daniw]
ni Rudy Ram. Rumbaoa
-Dagiti Koleksion a Daniw, Sarita, Kanta, ken Dadduma Pay


Sapsapulem ti napasamak kadata,
ti kinaasinok- ti naumbi, panangyalikaka
ti panaginnala kas iti maysa a pako
iti birhen a kabakiran a dinayasan ti init.

Agdakiwaska, sika a luppo
iti amin a paset ti rupak,
umayka ket ilagidmo.
Ti kinainosente ken sirib
iti lugar daytoy nagtagiramay
a dilak nasapulanna-
ti biag, pitik ti puso, ti manggargari
a panagsala dagiti mungay iti bibigko.
Naintek ti aprosmo kaniak,
makasalibukag ket sapsapulek
dayta nasam-it a bibigmo
ket ti bibigmo sapsapulenna
ti bara 'toy bibigko;
ti dakulapmo iti dakulapko
nasapulak ti lugar a nabayagen
a tinagiurayko a pagpasagan:
ti agbabasa a sabong-kueba.

Riknaem ita ti ilalaemko!

[copyright by RRR]