Dagiti Puted a Daniw

palubosannak ta pagrukbabak
ti didiosek iti altar ti nagbaetan
dagita luppo ket ti isusukok
nga agparintumeng iti sangnguanan
ti mannakabalin unay a puersa ti kueba-
agkurnoak, agdaydayawak kenkuana.

bay-annak nga agbalin nga adipen
ti sulisogmo no isut' kayatmo
ket awitek nga ibaklay iti abagak
dayta mensahe ti gartem, yarasaasko
ti makakiki a kararag a mangkiras
iti apuy a manguram kadagiti lasagko;

kalpasanna, paginudoanta ti darang
a mangsebseb ti lamiis ti rabii...




DAGITI PUTED A DANIW
Rudy Ram. Rumbaoa
Dagiti Koleksion a Daniw, Sarita, Kanta ken Dadduma Pay
www.samiwengkenayatnirudy.blogspot.com