Dandaniw Ilokano [Mga Tulang Ilokano 1621-2o14]

Nasukainak daytoy maysa a pakalaglagipan, piman...

Pagyaman ta nairaman met ti daniwko "Iti Sirok Ti Bittaog" iti libro a Dandaniw Ilokano [Mga Tulang Ilokano 1621-2o14] ni Prof. Junley Lorenzana Lazaga, ken naipablaak iti Marso 14, 2o11 isyu ti Bannawag.

Dandaniw Ilokano: Mga Tulang Ilokano, 1621-2014

Published by Komisyon sa Wikang Filipino & National Commission for Culture and the Arts, 2015

https://www.researchgate.net/.../375447868_Dandaniw...

samiwengkenayatnirudy.blogspot.com

#ilokodaniw #itisiroktibittaog #dandaniwilokano #mgatulangilokano #junleylorezanalazaga #bannawag #komisyonsawikangfilipino #nationalcommissionforcultureandarts #rudyramrumbaoa

 

ITI SIROK TI BITTAOG, Karaman a naipatarus iti Tagalog iti libro a Dandaniw Ilokano: Mga Tulang Ilokano, 1621-2014 edited

[Nabulod laeng ti ladawan ken ni Junley L. Lazaga]

ITI SIROK TI BITTAOG
Ni Rudy Ram. Rumbaoa
Naipablaak iti Bannawag, Marso 14, 2011 nga Isyu
Karaman a naipatarus iti Tagalog babaen ken ni Junley L. Lazaga iti Libro a Dandaniw Ilokano: Mga Tulang Ilokano, 1621-2014 edited

Daydi a rabii ti kapatgan a sagutmo:
Natarusak dagiti balikas ti bibig ken matam
Iti sirok ti bittaog, binalud dagiti takiagko
Dagiti naglulumba a dalagudog ti barukongmo
Awanen ti naaramidan ti lamiis ti rabii
Ta naginudotan iti bara ti patempategta

Inaldaw-aldaw nga impalpalagip ti alimbubuyog
A masansan a manglikawlikaw kadagiti sabong
Daydi a rabii a pinagkamangta ti lamiis iti kaltaang
Nakarimrimat dagiti kulintaba a nangbasisaw
Iti lamolamo a tangatang ken sellag a bulan

Ngem ti sangapulo a tawen, sumeksek ti lam-ek
Uray kadagiti gumilgil-ayab a kuaresma ken kalgaw
Maregreg dagiti sampaga ti sabong ken ti alimbubuyog
Maulila nga agngatangata kadagiti bulong ti bittaog.