Duayya

madamdama umayton ti sipnget, ayunan dagiti insekto ti konsolasion

ket nakasagana dagiti nalawa a pagtugawan a para kadakuada;

no koma ta dagiti payakda ket mangted iti linged ken ringgor,

ikkannak iti pagilasinan; awan kadakuada't mangngeg wenno makitak.

agay-ayam pay laeng iti binnattuan ti nalabaga a kawes iti inaladan,

nagtalinaed nga awan saosao dagiti kawitan, napnot' pagpupokanda iti bituen.

isu a maturogka, sika a maag, aginana ken agtalinaed a kalmado,

ket awanto a pulos ti manguriro kenka--- awan uray asino.

.

.

.

.

.

naadaw iti paset ti daniw

"duayya"

rudy ram. rumbaoa

samiwengkenayatnirudy.blogspot.com

naipablaak iti bannawag magazine, abril 16, 2o12 isyu

#ilokodaniw #bannawag #bannawagmagazine #duayya #paset #rudyramrumbaoa

[nabulod ti ladawan a nausar]

 

Naadaw iti paset ti Ababa a Sarita: AYAT TI MAYSA A LAKAY

“Kanayon kadi a sarungkaram ni Nana?” dinamag ni Mokong.

Nagtung-ed ti lakay.

“Binigat? Saanka a mabannog nga agkaraumay ditoy?” pinerreng ni Mokong ti lakay.

Saan a simmungbat ti lakay.

Nadlaw ni Mokong nga inwaras ketdi ti lakay ti panagkitana iti lawlaw.

“Iti daytoy nga edadko, barok, mabannogak met ti ar-aramidek iti asawak. Ngem no ut-utobem, saanmin a bukod nga agasawa ti tiempo. Dumtengto ti kanito a lak-amek met ti kasasaad ni baket. No saan, umay ti orasmi nga agasawa ket kawitennakami ti kumpay ni patay, awan ti mabalinmi,” kinunana. “Mabang-aran ti riknak no kanayonko a makita ken serbian ni Petra.”

Dinayaw ni Mokong ti sungbat ti lakay. Ket pudno, kas met ken ni Lakay Mundo, mapasamakto kenkuana ti kasasaad ti lakay. Saanna a bukod ti amin a panawenna ken agbalinto met a kas kadagitoy a nataengan. “Am-ammonakay’ pay ngarud ni Nana?” dinamagna.

Nagwingiwing ti lakay, “Uray dinak am-ammon ni Petra, am-ammok pay laeng. Wen, isu pay lang daydi dinungdungngok nga asawa,” kasla di sumngaw dagiti balikas nga agaun iti bibigna. “Ammok a dinakon malasin gapu iti sakitna, ngem saan a dayta ti tubeng tapno baybay-ak metten. Ita ta adda pay a biag, kayatko a siak ti mangasikaso kenkuana.”

Napespes ti asi iti puso ni Mokong ngem ad-adda manen a rinaemna ti lakay. Ita, maawatannan no kasano ti rigat ken pateg ti maysa a nataengan nangruna no dagitoy ket mabilbilangen dagiti aldawda iti lubong...

.

.

.

.

.

*naadaw iti maysa a paset ti ababa a saritak

AYAT TI MAYSA A LAKAY

Rudy Ram. Rumbaoa

www.samiwengkenayatnirudy.blogspot.com

[nabulod dagiti ladawan a nausar]

 

Naadaw iti paset ti ababa a sarita KAYONG DOLPO

[nabulod ti ladawan a naaramat]

"Kunak kenka daytoy ta no ibilangnak nga ay-ayatem iti biag, insaganaannak koma nga umuna ti paraiso a pagyanak

ta saan nga impierno ti pagnaedan dagiti anghel."

.

.

.

.

naadaw iti paset ti ababa a sarita

KAYONG DOLPO

Rudy Ram. Rumbaoa

www.samiwengkenayatnirudy.blogspot.com