siak, sika ken ti musika
.
.
.
.
.
samiweng ken ayat
rudy ram. rumbaoa
samiwengkenayatnirudy.blogspot.com
Showing posts with label Samiweng ken Ayat. Show all posts
Showing posts with label Samiweng ken Ayat. Show all posts
May 7, 2024
Dec 1, 2009
Ita A Paskua: Iburaymo Ti Ayat Nga Agaun Dita Puso
Ni Rudy Ram. Rumbaoa
ITI Filipinas, nangruna iti probinsia a dimmakkelak, marikna ti espritu ti Paskua iti nasapa a bulan ti Setiembre. No matappoganen ti umuna nga aldaw ti Setiembre, maipatayab metten kadagiti radio stations ti umuna nga ayug Pamaskua. No saan, mai-display dagiti Christmas decorations kadagiti department stores ken uray pay iti pagtaengan.
Kasta met a pagproblemaan dagiti dadduma no sadino ti pangalaanda iti nayon ti igatangda iti regalo a para kadagiti annak, appoko, kabagian, gagayyem ken am-ammo. Wenno para ti taraon a maidasar iti lamisaan a pagsasangnguan iti bisperas ti Paskua.
Nagasat dagiti dadduma ta adda dita ti 13th month pay a nayon ti gastosenda.
Iti sabali a bangir, irugi met dagiti ubbing ti mapan agpaskua wenno ag-carolling tapno makaur-or iti kuarta a nayon a gastosenda iti Paskua. No panunoten ti kaadu ti grupo dagitoy nga ubbing a bumalay-balay nga agpaskua iti rinabii manipud iti bulan ti Setiembre agingga iti Disiembre. Dagiti dadduma, yalud-odda pay ti mapan agpaskua agingga iti Enero iti sumaruno a tawen.
Mamatika? Wen, pudno. Daytoy a tiempo ti panangipaay iti ayat ken ragsak kadagiti ubbing tapno maitag-ay ti espiritu ti Paskua nupay ti kinapudnona, adda met dagiti dadduma nga ubbing a palabsenda lattan ti Paskua iti rason nga awan ti mabalbalinan ti pamilia.
Iti daytoy a panawen, matipontipon dagiti pampamilia, kabagian, gagayyem ken am-ammo. Dagiti miembro ti pamilia nga adda iti ballasiw taaw, ikagumaananda ti agawid tapno laeng makapaglalanglang ken agdedenna iti ipatpateg a pamilia. Naragsak iti tiempo ti Paskua, napno iti ramrambak.
Kadagiti parties, adda dita dagiti nasanger a manium, adda pasala ken agkanta babaen iti videoke-- dagitoy ti masansan nga aktibidades a maaramid, kalpasanna, mayawat ti regalo. Saan met a maliklikan ta no dadduma, adda latta met dagiti saan a makatengngel iti panaginumda ket mabartekda. Ngem paset daytoy ti ragragsak.
Iti kalsada, adda dita dagiti agtutubo ken ub-ubbing nga agpalpalibbaang wenno agpaputok kadagiti rebentador, kanyon bambo, kuwitis, loses ken ania pay dita a mabalin nga aramaten a mangparagsak ti Paskua. Kaugaliantayon dayta a Filipinos. Para kadatayo, kasta ti pudno nga anag ti Paskua a mangpasangbay iti panakayanak ti Manubbot. Ket kadatayo a Filipinos, nangruna iti Ilocano, mamatitayo nga iti dayta nga oras isu ti panakayanak ni Jesus.
Awan ngatan sabali a gagem dagiti tattao no di agragsak ken mangparagsak dagiti dadduma. Ket agtultuloy dayta a ragragsak agingga iti umuna a lawas ti Enero a panangibaba kadagiti Christmas decorations.
Para kaniak, mamatika man iti Christmas wenno saan ken no tiempo ti Paskua wenno saan-- ti mangiburay wenno mangisagut ti ania man nga adda kenka ti kangrunaan ken kapintasan a maaramidmo iti daytoy a tiempo. Saan nga importante ti pirak wenno aniaman nga adda, ngem ti ayat, ti pategmo para kadagiti agkasapulan ti tulongmo. Ti nasken, marikna ti sabali nga uray awananda, adda pay la anag ken pasetda iti Paskua.
Dayta ti pudno a kabagasan ti Paskua. Ti ayat nga agaun dita puso.*
__________________________
ITI Filipinas, nangruna iti probinsia a dimmakkelak, marikna ti espritu ti Paskua iti nasapa a bulan ti Setiembre. No matappoganen ti umuna nga aldaw ti Setiembre, maipatayab metten kadagiti radio stations ti umuna nga ayug Pamaskua. No saan, mai-display dagiti Christmas decorations kadagiti department stores ken uray pay iti pagtaengan.
Kasta met a pagproblemaan dagiti dadduma no sadino ti pangalaanda iti nayon ti igatangda iti regalo a para kadagiti annak, appoko, kabagian, gagayyem ken am-ammo. Wenno para ti taraon a maidasar iti lamisaan a pagsasangnguan iti bisperas ti Paskua.
Nagasat dagiti dadduma ta adda dita ti 13th month pay a nayon ti gastosenda.
Iti sabali a bangir, irugi met dagiti ubbing ti mapan agpaskua wenno ag-carolling tapno makaur-or iti kuarta a nayon a gastosenda iti Paskua. No panunoten ti kaadu ti grupo dagitoy nga ubbing a bumalay-balay nga agpaskua iti rinabii manipud iti bulan ti Setiembre agingga iti Disiembre. Dagiti dadduma, yalud-odda pay ti mapan agpaskua agingga iti Enero iti sumaruno a tawen.
Mamatika? Wen, pudno. Daytoy a tiempo ti panangipaay iti ayat ken ragsak kadagiti ubbing tapno maitag-ay ti espiritu ti Paskua nupay ti kinapudnona, adda met dagiti dadduma nga ubbing a palabsenda lattan ti Paskua iti rason nga awan ti mabalbalinan ti pamilia.
Iti daytoy a panawen, matipontipon dagiti pampamilia, kabagian, gagayyem ken am-ammo. Dagiti miembro ti pamilia nga adda iti ballasiw taaw, ikagumaananda ti agawid tapno laeng makapaglalanglang ken agdedenna iti ipatpateg a pamilia. Naragsak iti tiempo ti Paskua, napno iti ramrambak.
Kadagiti parties, adda dita dagiti nasanger a manium, adda pasala ken agkanta babaen iti videoke-- dagitoy ti masansan nga aktibidades a maaramid, kalpasanna, mayawat ti regalo. Saan met a maliklikan ta no dadduma, adda latta met dagiti saan a makatengngel iti panaginumda ket mabartekda. Ngem paset daytoy ti ragragsak.
Iti kalsada, adda dita dagiti agtutubo ken ub-ubbing nga agpalpalibbaang wenno agpaputok kadagiti rebentador, kanyon bambo, kuwitis, loses ken ania pay dita a mabalin nga aramaten a mangparagsak ti Paskua. Kaugaliantayon dayta a Filipinos. Para kadatayo, kasta ti pudno nga anag ti Paskua a mangpasangbay iti panakayanak ti Manubbot. Ket kadatayo a Filipinos, nangruna iti Ilocano, mamatitayo nga iti dayta nga oras isu ti panakayanak ni Jesus.
Awan ngatan sabali a gagem dagiti tattao no di agragsak ken mangparagsak dagiti dadduma. Ket agtultuloy dayta a ragragsak agingga iti umuna a lawas ti Enero a panangibaba kadagiti Christmas decorations.
Para kaniak, mamatika man iti Christmas wenno saan ken no tiempo ti Paskua wenno saan-- ti mangiburay wenno mangisagut ti ania man nga adda kenka ti kangrunaan ken kapintasan a maaramidmo iti daytoy a tiempo. Saan nga importante ti pirak wenno aniaman nga adda, ngem ti ayat, ti pategmo para kadagiti agkasapulan ti tulongmo. Ti nasken, marikna ti sabali nga uray awananda, adda pay la anag ken pasetda iti Paskua.
Dayta ti pudno a kabagasan ti Paskua. Ti ayat nga agaun dita puso.*
__________________________
Nov 1, 2009
Rimmuaren ti "Nalayog Nga Arapaap"
Rimmuaren kadagiti music outlet iti Filipinas ken ballasiw taaw ti baro nga albumda Vhen Bautista [Price of Ilocano Songs/a.k.a. Chino Romero] Melo Santiago a maaw-awagan pay iti The Mellow Songtress, ti "Nalayog Nga Arapaap." Makuna a balligi ti nasao nga album ta uray idi saan pay a rimmuar iti merkado, adun ti nakangngeg ken nakabuya ti film clip dagiti dadduma a kanta iti internet.
Naipalaon iti album ti "American Drean" [Avelino Bautista- Eliseo B. Contillo], "Caregiver" [Avelino Bautista- Rudy Ram. Rumbaoa], "Agnanayonto't Ragsak" [Avelino Bautista- Eliseo B. Contillo], "Bagito a Hawayano" [Avelino Bautista- Benny Guiang Rieta], "Agawidakon" [Avelino Bautista- Benny Guiang Rieta], "Pannubok" [G. Baker- A. Bautista], "Intugkelnan ti Sippitna" [Avelino Bautista- Eliseo B. Contillo], "Gapu Kenka O Musika" [Avelino Bautista], "Siksika't Aminko" [Avelino Bautista- Fr. Jose S. Adriano], "Murmuray Iti Hawaii" [Avelino Bautista], "Agkikibintayo Koma" [Avelino Bautista- Benny Guiang Rieta], "Abalayan" [Avelino Bautista], "Isbo La Ti Inana" [Avelino Bautista], "Beinte Kuatro Oras" [Avelino Bautista], "Rimat Dagiti Bituen" [Avelino Bautista], "Biag A Naranga" [Avelino Bautista] ken "Idolo" [Avelino Bautista- Rudy Ram. Rumbaoa].
Executive Producer ni Buddy Cruzado, Producer ti "The Lucky 7" Kumpletos Rekados 4-UR Afternoon Delight Fan Club Hawaii, Production Coordinator ni Mely Teologo, inurnos ni Jun Velasco ti musika, Minus One lay-in ni Danny Velasco, naiplaka idiay PM Recording Studio, ni Ruben Remperas ti Recording Technician, Vocal Supervision ni Eliseo B. Contillo ken Cover Design ni Roginearts. Manufactured ken Ekslusibo a nagiwaras babaen ti Aquarious Record and Tapes, Manila, Philippines.
No kalikaguman ti agorder iti baro nga album, kontaken ti
Vhen Bautista a.k.a Chino Romero
Aweng Music Production Aweng Music Publishing Aweng Records USA
12828 Spring Mountain Drive Rancho Cucamonga,CA 91739
Telepono bilang 1-626-6432984 wenno +639195011963/email: vhenbautista@yahoo.com/awengrecords@yahoo.com
Melo Santiago +639076172704
wenno Rudy Ram. Rumbaoa iti rumbaoar001@hawaii.rr.com/[808]214-7884
___________________________________________________________________
Subscribe to:
Posts (Atom)