Ita Nga Aldaw

agtalek ngem agannad

gapu ta no dadduma

uray ti bukodmo a ngipen,

kagatenna ti dilam...

.

.

.

.

ita nga aldaw

rudy ram. rumbaoa

sab. 29 nob. 2o25

wailuku, maui

samiwengkenayatnirudy.blogspot.com

#itangaaldaw #agtalek #agannad #kagaten #rudyramrumbaoa #samiweng #ayat

[nabulod ti ladawan a nausar]

Nagyamanda Met

Uray dagitoy taraken nga aso ken pusa ti karrubak nga haole ken hapon, nagyamanda met idi kalman nga aldaw ti “thanksgiving,” piman.

Ala wen.

.

.

.

.

.

Ti La Adda, No. 149

Nagyamanda Met

Rudy Ram. Rumbaoa

samiwengkenayatnirudy.blogspot.com

#aldawtipanagyaman #thanksgiving #nagyamandamet #taraken #aso #pusa #tilaadda #rudyramrumbaoa

[nabulod dagiti ladawan a nausar]

 

Aldaw ti Panagyaman

ALDAW TI PANAGYAMAN, sapay la koma ta agari ti kappia iti sangalubongan nangruna iti pagilian a Filipinas. Piman...

Wen, panagyaman iti Dios iti inpaayna a bendision. Panagyaman iti pamilia nangruna kadagiti nagannak, ta no saan a gapu iti ayatda, asinotay' koma ita? Panagyaman kadagiti kakabsat, nasinged iti pamilia, gagayyem ken am-ammo ta isuda ti inspirasion tapno matun-oyan dagiti arapaap. Panagyaman met iti lugar nga ayantayo ita--- agyamantayo gapu ti panangawatda kadatayo a makipagili kadakuada.

Kasta met a ditay' koma lipatan wenno ilaksid ti agyaman kadagiti Appo a Sakada, isuda ti rangtay ti nakaumayantayo iti isla ti paraiso, Hawaii.

Agyamantayo!

.

.

.

.

.

Aldaw ti Panagyaman

Rudy Ram. Rumbaoa

Hue. 27 Nob. 2o25

Wailuku, Maui

samiwengkenayatnirudy.blogspot.com

#panagyaman #aldawtipanagyaman #bendision #dios #sagut #naawat #givethanks #thanksgiving #givethankstothelord #samiweng #ayat #nov27 #rudyramrumbaoa

[Nabulod ti ladawan a nausar]

Ti La Adda

Anak-ti-diablo! Sabalin sa met a puli

daytoy pabo a linutok, yos! 

Umis-isem ti langgong!

.

.

.

.

.

Ti La Adda

Rudy Ram. Rumbaoa

Hue. 27 Nob. 2o25

Wailuku, Maui

samiwengkenayatnirudy.blogspot.com

#tilaadda #pabo #thanksgiving #holiday #panagyaman

#rudyramrumbaoa #samiweng #ayat

 

Ita Nga Aldaw

PANAGYAMAN, kunak kad lattan. Diak inikkan ti aldawna, ngamin mabalinka met nga agyaman iti inaldaw [nga awan pilpilien wenno tudoenna nga aldaw a kas koma iti Thanksgiving Day a kadawyan ken naruamen a rambakantayo nga aldaw ti panagyaman] no kayatmo ti agyaman a kas pagyaman kadagiti inawat/naawatmo a bendision [nga aggapu iti Dios], wenno daytoy ket naindagaan a sagut/parabur/naparaburanka iti nasayaat a panagbiag, estado ti biag, salun-at wenno ania dita.

No siak a maysa, saanen [a nasisita] nga ipan ti naragsak/ragsak ta saan amin a panangyebkas/panangipeksa ti panagyaman ket ragsak amin ti itdenna. Mabalin met nga agyaman ti naliday a tao, ken/wenno dagiti nakurapay/marigrigat, dagiti saan a naparaburan iti nasayaat a panagbiag, dagiti agkalkallautang iti estado ti biag, dagiti masakit ken amin-amin a mayat nga agyaman.

Maymayat ketdi latta koma[n] no "Blessed Thanksgiving" ta ammom no sino ti pudno a pagyamyamanam...

Awan met ketdi, kunak lang.

.

.

.

.

ITA NGA ALDAW

Rudy Ram. Rumbaoa

Hue. 27 Nob. 2o25

Wailuku, Maui

samiwengkenayatnirudy.blogspot.com

#itangaaldaw #nobiembre27 #panagyaman #agyaman #holiday #thanksgiving #agyamanitidios #agyamanitiapo #rudyramrumbaoa #samiweng #ayat

[Nabulod ti ladawan a nausar]

 

Happy Birthday, Ethan Boy!

Nalayog ti arapaapmo, ETHAN BOY,

ta makitak ti turong dagiti matam.

Patiek, magun-odmo no ana man dayta, barok.

Iti daytoy nga aldaw, kayatka man a kablaawan

iti "NARAGSAK KEN NAGASAT A PANAGKASANGAYMO

ITA NGA ALDAW!"

.

.

.

.

.

Naragsak ken Nagasat a Panagkasangaymo

Ita Nga Aldaw!

Rudy Ram. Rumbaoa

samiwengkenayatnirudy.blogspot.com

#birthday #birthdayboy #givethanks #giftoflife #givethankstothelord

#enjoythismoment #enjoylife #birthdaycelebration #nov26 #ethanboy

#xaviernate #rudyramrumbaoa

Dagiti Puted a Daniw

4.

nasaysayaat nga amang ti mangted a siuulimek, ngem

ti mangted nga agallangogan manipud iti boses dagiti gagayyem...

.

.

.

.

.

naadawaw iti paset ti daniw

22 a daniw [ti biag]

rudy ram. rumbaoa

samiwengkenayatnirudy.blogspot.com

#putedadaniw #daniwiloko #22adaniw #biag #nasaysayaat #siuulimek #agallangogan #boses #samiweng #ayat #rudyramrumbaoa

Kunak Man

kas da la ramay ti tao dagitoy ramut a nagkapet iti lubong. adda kadi iparparipiripna iti agdama a panawen?

.

.

.

.

.

kunak man

rudy ram. rumbaoa

samiwengkenayatnirudy.blogspot.com

samiwengkenayatnirudy.blogspot.com

[nabulod ti ladawan a nausar]

#ramut #roots #nagkapet #ramay #fingers #lubong #paripirip #panawen #rudyram.rumbaoa

Ita Nga Aldaw

daydi ti naudi a taldiapko kenka:

inem-em-emak liday a mariknak

idi linikudak ti bukod a pagilian

nagtawataw para iti masakbayan,

ngem patiek dinakto lipatan

imbatik tugot iti nakamulagatan

ta agsubliakto met la iti dennam.

tunggal rabii imdengak samiwengmo

a mangep-ep iliw ditoy barukongko,

gangannaet a lugar kawaw panunotko

makawaak unay iti bara ti arakupmo-

.

.

.

.

.

ita nga aldaw

rudy ram. rumbaoa

hue. 13 nob. 2o25

wailuku, maui

samiwengkenayatnirudy.boogspot.com

#iliw #malagip #ilianakayanakan #makita #marikna #arakup #laoagcity #ilocosNorte #itangaaldaw #Nalawa #nagbaetan #rudyramrumbaoa #samiweng #Ayat #taaw

[nabulod ti ladawan a nausar iti Iloco Moto Vlog]

 

Ita Nga Aldaw

agur-urayak iti ilulutuadmo, matektekanen dagiti aldaw
a kas ti rabii nga agpaspasungad
iti pannakaipasngay sabali a bigat.

dagiti darikmat a kaawanmo iti panagmaymaysak, kawaw ti lubongko—
ngem ti ilulutuadmo uray koma laeng
iti parparmatak makaanayen a masungbatan dagiti salugsog ti nakem...
.
.
.
.
.
ita nga aldaw

rudy ram. rumbaoa
hue. 13 nob. 2o25
maui
samiwengkenayatnirudy.blogspot.com

#itangaaldaw #ilulutuad #matektekan #agpaspasungad #pannakaipasngay

#darikmat #panagmaymaysak #kawaw #parparmata #salugsog #nakem #rudyramrumbaoa